Şəffaf Plaklarla Rahat və Estetik Ortodontik Müalicə
Elayner müalicəsi dişlərin düzülüşünü korreksiya etmək üçün istifadə olunan, şəffaf və çıxarıla bilən ortodontik plaklarla həyata keçirilən müasir müalicə üsuludur. Metal breketlərə estetik və komfortlu alternativ olan elaynerlər gündəlik həyatınıza mane olmadan sağlam və gözəl təbəssüm əldə etməyə kömək edir
Elayner Müalicəsinin Üstünlükləri
- Şəffaf görünüş – Demək olar ki, hiss olunmur və estetik görünüşü qoruyur.
- Çıxarıla bilən quruluş – Yemək zamanı və dişlərin təmizlənməsi üçün rahatlıqla çıxarıla bilər.
- Komfortlu istifadə – Metal tel və breketlər olmadığı üçün ağız daxilində qıcıqlanma minimum olur.
- Fərdi müalicə planı – Hər pasiyent üçün rəqəmsal ölçülər əsasında xüsusi hazırlanır
Elayner Müalicəsi Necə Aparılır?
Müalicə ilkin müayinə və rəqəmsal analiz ilə başlayır. Dişlərin vəziyyəti qiymətləndirilir, 3D skan və ya ölçülər götürülərək fərdi müalicə planı hazırlanır. Hazırlanan şəffaf plaklar müəyyən ardıcıllıqla istifadə edilir və hər bir plak dişləri tədricən planlaşdırılmış mövqeyə gətirir.
Ən yaxşı nəticə üçün elaynerlərin gündə 20–22 saat istifadə edilməsi tövsiyə olunur. Müalicə müddəti dişlərin vəziyyətindən asılı olaraq adətən 6–24 ay arasında dəyişə bilər.
Kimlər Üçün Uyğundur?
Elayner müalicəsi aşağıdakı hallarda effektiv seçim ola bilər:
- Dişlərdə sıxlıq və ya seyrəklik olduqda;
- Yüngül və orta dərəcəli diş əyriliklərində;
- Dişlər arasında boşluqların aradan qaldırılmasında;
- Dişləmə problemlərinin müəyyən növlərinin korreksiyasında.
Müalicənin uyğunluğu yalnız stomatoloqun müayinəsindən sonra müəyyən edilir.